kandar.sa - kisah

Gelep peh lale aku pecengang
Rupen mayang itayang ni kuyu
Nasip ni ulen mudepet ni terang
Ke rupen bintang itelen lao nasibmu

Wo enge berjunte singah kucabang
One berdedenang suntuk putetalu
Mupolok ni tangke murelas ni cabang
Minter musirang rues urum tungku nasibku

Nge ara galah ken tomok tupang
Gergel penghalang ken tumpu ni bantu
Enge ken ari-ari alas petopang
Kertan paya ilang gere neh ku ayu

Nasib kegere mutuah
Muluah sara ikoten
Jelen jeleni kisah
Kisah si lepas kusawahen

Kukiri reris kukuen karang
Kuatas pecengang emun kelabu
Ku tentamen dede urum lauh remenang
Nasib si mala kusa kumungadu nasib ku

Niet ni ate male kubintang
Perau medang iyup-iyup kuyu
Luge mupolok ilah lut ni tenang
Hempas ni gelumang kusa kumungadu nasibku

Kucube mien layar kukemang
U nalam nge tenang perin kujebe
Rum ujung baro gere setentang
Ibirah panyang rupen mutabu