Sedie kunyur rum lopah
Lao soboh i angkap langkah
Seleson nge mule i tetah
Ku atu belah langkah mungaro
I pematang dih tetah peden
Bekas ayu ngemuloloten
Ara kukiri seba kukuen
Berlelewasen kekumil ijo
Si newe igenting i arul bebuli
Nge sedie sipe munanti
Sentan gaeh gereneh terelahi
Si berugi bebujang tue
Mungaro le gure dih akang cules termuni
Bier kune langkah ini sawah janyi abango (2x)
Kelebihen sesata jema
Muluah kunyur sesire musangka
Perasan e pora we kona
Minter muropa wan tamas mude
I karang tegu ku paluh
Nge muleme perdu ni puyuh
Akang renges si kaul metuh
Mubetuh wan porak lao
Aman boncot dabuh mulapah
Ate jantung nge musebelah
Ceh beloom si tukang emah
Tidak ada komentar:
Posting Komentar